Haldningsdanning i pedagogisk arbeid : bakgrunn og metodeprinsipp

Haldningsdanning høyrer med til dei grunnleggande oppgåvene i norsk skule. I denne boka drøftar forfattaren dei pedagogiske ideane som haldningsdanning kan relaterast til, altså metodeprinsippa som er aktuelle i pedagogisk verksemd.

Første del er ein innleiande presentasjon av spørsmål som: Kva er ei haldning? Kva er haldningsdanning i pedagogisk kontekst? Kva slags påverknad bør vi tale om i pedagogisk samanheng? I neste del går forfattaren inn på meir om kva vi forstår med metodeprinsipp, presenterer teori om dialog og kommunikasjon og gir ein kort presentasjon av undervisningsprinsipp. Vidare drøftar han kva kunnskap betyr i haldningsdanning, og stiller spørsmål om kva som eigentleg er føremålet med metodar i pedagogisk verksemd. Del tre inneheld ein gjennomgang av seks metodeprinsipp rundt haldningsdanning i pedagogisk arbeid illustrert med eksempel. Del fire er ein gjennomgang av meir bakgrunnsstoff frå pedagogikkens nabofag og deldisiplinar, også saman med idear til metodisk tenking.

Jostein Sæther er professor emeritus i pedagogikk ved NLA Høgskolen.